У лютым 2007 года на нашым партале адбудзецца канферэнцыя з вядомым грамадскім актывістам Гомеля – Сяргеем Сямёнавым.

Менавіта гэты чалавек у 2007 годзе ў Вярхоўным судзе адстаяў права карыстацца дзяржаўнай беларускай мовай.

Нагадаем, супрацоўнікі дзяржаўнай мытні двойчы складалі пратакол на Сяргея Сямёнава з-за ягоных патрабаванняў прадаставіць беларускамоўны бланк мытнай дэкларацыі. 30 жніўня судзьдзя Марына Дамненка прызнала хлопца вінаватым у перашкодзе працы мытнікаў, абавязаўшы яго выплаціць штраф памерам у 30 базавых адзінак. Аднак нягледзячы на такі прысуд хлопец зноў едзе праз мяжу і патрабуе беларускамоўную дэкларацыю і зноўку на яго складаюць пратакол і перадюць справу ў суд.

У гэты час усе недзяржаўныя сродкі інфармацыі расказваюць грамадзянам Беларусі пра відавочнае парушэнне Канстытуцыі і гонар хлапца, які пад пагрозай арышту зноўку ідзе на “парушэнне” закона, ведаючы, што будзе пакараны.

18 верасня на семінары, прысвечаным пытанням міжнародных стандартаў у галіне правоў чалавека старшыня Канстытуцыйнага суду Рыгор Васілевіч зрабіў заяву, што парушаць правы беларускамоўных грамадзян недапушчальна, бо яны з’яўляюцца грамадзянамі Беларусі і карыстаюцца афіцыйнай дзяржаўнай мовай.

Напрыканцы 2007 года Сяргей Сямёнаў быў прызнаны чалавекам года па версіі Moladz.org, а па версіі газеты “Наша Ніва” – змагаром нацыі 2007.

 

Шаноўныя чытачы ў вас ёсць магчымасць задаць пытанне Сяргею Сямёнаву

 

Біяграфія:

Дзень народзінаў: 1981-10-16

СЯМЁНАЎ СЯРГЕЙ ЮР'ЕВІЧ

ГІСТОРЫЯ ЗАНЯТАСЦІ

 

2003-2008  - Займаецца прыватным бізнасам.

2002-2003  - Праходзіў вайсковую службу ў часцы  92616, Брэст, снайпер.

 

АДУКАЦЫЯ

 

1999-2000                 Беларускі Дзяржаўны Універсітэт транспарта,       

2003-2004           спецыяльнасць "Мікрапрацэсарныя інфармацыйна-

кіраўнікі сістэмы".

               

 

ГРАМАДСКАЯ ДЗЕЙНАСЦЬ

 
2005-2006                           Праект "Моладзь і адукацыя", Гомель, трэнер.

2004-2005                           Праект "Моладзевы рух "ЦЫТРЫНА", Гомель, каардынатар.

2004          Парламенцкія выбары - 2004, Гомель, давераны твар кандыдата ў дэпутаты Аляксандра Корниенко, мэнэджэр кампаніі.

2003-2004                           Праект "Наш рэферэндум", мэнэджэр кампаніі.

2001                              Мабілізацыйная кампанія "Выбіраеш Ты", Гомель, каардынатар валанцёраў.

2000-2001                          Удзельнік Моладзевай арганізацыі "Моладзь АГП", Гомель, рэдактар улётак.

1997                                      Заснавальнік Моладзевага цэнтра "Гарт", Гомель

1997                                  Удзельнік Моладзевай арганізацыі "Грамадзянскі форум", Гомель.

 

 

Валоданне мовамі:

 

Рускі са слоўнікам

Ангельскі пачатковы ўзровень

 

Шаноўныя чытачы ў вас ёсць магчымасць задаць пытанне Сяргею Сямёнаву.