З маленства мы звыкліся з думкаю, што для таго, каб дабіцца поспехаў у жыцці неабходна атрымаць вышэйшую адукацыю. А як да беларускай вышэйшай адукацыі адносіцца сучасная моладзь.

Безумоўна беларуская вышэйшая адукацыя лічыцца адной з лепшых на постсавецкай прасторы. Гэта ў нашай краіне могуць выкладаць курс вышэйшай матэматыцы, інжынернай графіцы, культуралогіі і філасофіі на адным узроўні нягледзячы на тое, вучыцца чалавек на інжынера ці на выкладчыка філасофіі. З кожным годам мы губляем таленавітых маладых людзей, якім цяжка навучацца па савецкай праграме. Шмат моладзі, якая добра валодае замежнай мовай, мае грошы і думае крэатыўна з’язджае за мяжу. Папулярнасцю карыстаюцца такія краіны, як Літва, Польшча, Чэхія, а таксама Расея.

Чаму беларускія студэнты не вельмі задаволены адукацыяй на сваёй Радзіме? Магчыма, што гэта звязана з шэрагам прычын. Па-першае, выкладанне прадметаў па спецыяльнасці і агульнаадукацыйных вядзецца на адным узроўні і самае цікавае тое, што кожны выкладчык лічыць свой прадмет самым важным і студэнт павінен дасканала разбірацца ў дысцыплінах, якія яму не вельмі патрэбны. Па-другое, моладзь не разумее навошта трэба перапісваць падручнік у сшытак на лекцыях. Па-трэцяе, чаму ў беларускіх студэнтаў няма бясплатнага выхаду на адукацыйныя рэсурсы ў інтэрнэце як у цывілізаваных краінах і шмат іншых пытанняў.

Каб лепш разабрацца ў праблемах беларускіх студэнтаў мы вырашылі спытаць у моладзі, што яны думаюць наконт сістэмы вышэйшай адукацыі ў нашай краіне.

Алена, студэнтка 4-га курса БДУ: “Я не зусім задаволена сістэмай адукацыі. Мне заўсёды не падабалася, што студэнты і выкладчыкі  мала размаўляюць наконт сучасных праблем. Каб добра зразумець якую-небудзь тэму можна проста прывесці сапраўдны жыццёвы прыклад, чым звяртацца да падручнікаў мінулага стагоддзя.”

Уладзімер, студэнт 3-га курса БНТУ: “Насамрэч, мне падабаецца сістэма вышэйшай адукацыі ў нашай краіне. Мне здаецца, што мы здолеем прынесці карысць для нашай дзяржавы, але тут адразу паўстае крышку іншае пытанне – як пасля атрымання адукацыі ўладкавацца на працу. Зараз любая арганізацыя жадае бачыць творчага, энэргічнага, разумнага супрацоўніка, які мае вопыт працы, а дзе яго ўзяць выпускнікам ВНУ? Вось менавіта галоўная праблема, з якой сутыкаюцца студэнты старэйшых курсаў.”

Антон, студэнт 5 курса БДУІР: “Безумоўна, наша сістэма яшчэ адстае ад еўрапейскай. Гэта датычыцца выкарыстання новых тэхналогій у сферы адукацыі. У мяне, як у будучага праграміста ёсць шмат ідэй, якія маглі б зрабіць лекцыі больш цікавымі, а семінары больш плённымі, але нажаль у нашай краіне праблемы з фінансамі і кіраўніцтва зацікаўлена ў развіцці аграгарадкоў, а не адукацыі.”

Вольга, студэнтка 1-га курса БДЭУ: “Калі я паступала в універ, то думала, что буду навучацца як паказваюць у амерыканскіх фільмах, але ўсё атрымалася не так... На лекцыях толькі пішы, на практычных занятках рабі задачы...усё вельмі сумна.”

Канешне, нельга казаць, што сістэма вышэйшай адукацыі ў РБ дрэнная. Безумоўна, праблемы ёсць, але іх трэба вырашаць як мага хутчэй, каб наступнае пакаленне з гонарам гаварыла : “Я студэнт беларускага універсітэта!”

// www.moladz.org / Nadzejka