Новае Неба
Песьня:  "Падводнае гетта"
Даслаў:   Аліна Прывальчук

Am             E

Над горадам шэрая хмара

 Am            E

Макабрычных памераў

   Am            E

Чырвоны фабрычны комiн

 Dm      F       Am

Поўны вады як калодзеж

 F       C       Am

Поўны вады як калодзеж

Вада залiвае горад,

Вулiцы, плошчы ды скверы.

Мы заплюшчылi вочы

Мы зачынiлi дзьверы,

Мы зачынiлi дзьверы.

I мы не ўмеем плаваць,

Мы памрэм без паветра

I маўклiвыя рыбы

Будуць жыць у нашых пакоях,

Будуць жыць у нашых пакоях.

Давай памаўчым таксама

Цiша мацней за слова

Ты мяне разумееш,

I гэтага дастаткова,

I гэтага дастаткова.

Гэта падводнае гетта

Тут не хапае паветра

Тут альбо вучысься плаваць,

Альбо канаеш пацiху

Альбо канаеш пацiху.

Стаiм у вадзе па горла

Зьнямелыя i не зважаем

На тое, як неяк пацiху

Падобнымi сталi да рыбаў

Падобнымi сталi да рыбаў.

I мы пачынаем дыхаць

I нам пад вадою добра,

Калi толькi гэтую вадкасьць

Можна назваць вадою

Можна назваць вадою.

Галоўная (Акорды на Moladz.org)