Традыцыйна ў гэтыя першыя дні вучобы маладыя людзі з розных ініцыятыў праводзяць інфармацыйную кампанію “Хочам вучыцца па-беларуску!”, мэтай якой з’яўляецца прыцягненне ўвагі да праблем русіфікацыі беларускіх школ ды ўніверсітэтаў.
Упершыню гэта кампанія адбылася ў Мінску першага верасня 2004 года, тады некалькі дзесяткаў маладых людзей выйшлі на Кастрычніцкую плошчу беларускай сталіцы з падручнікамі роднай мовы і з сімвалічна залепленымі ртамі, аднак гэты адчаяны пратэст моладзі быў на караню прыціснуты супрацоўнікамі беларускай міліцыі.
Заснавальнікамі кампаніі былі Мі “ВОКА”, “ЗБС”, навучэнцы ліцэя імя Я.Коласа, але за чатыры гады да кампаніі далучыліся многія маладзёвыя арганізацыі ды рухі (“Мoладзь БНФ”, “Ініцыятыва”, “Трэці Шлях”, “Гарт” і інш.).

На пачатку 2006 года абмяркоўвалася пытанне аб скасаванні вывучэння беларускай мовы ў ВНУ і ПТВ, а ў жніўні стала вядома, што гісторыю Беларусі зараз у 10-х і 11-х класах пачнуць вывучаць па-руску. Пачатак 2007 года прынёс нерадужныя навіны: ў беларускіх школах былі забаронены для вывучэння многія творы знакамітых пісьменнікаў, у тым ліку і класіка беларускай літаратуры - п’еса Янкі Купалы “Тутэйшыя”.
17 чэрвеня Прэзідэнт Рэспублікі Беларусь падпісал дыкрэт №15 “ Аб асобных пытаннях агульнай сярэдняй адукацыі”.
Рэформа ў сістэме адукацыі закранае кожнага шкаляра, кожнага настаўніка і бацькоў.
Міністэрства адукацыі зноў вырашыла вярнуцца да 9 і 11 класаў. Школьнікі з 1 верасня 2008 года будут навучацца 5 дзён, а ў суботу будут праводзіцца факультатыўныя заняткі, але вучням выпускных класаў прыйдзецца навучацца 6 дзён.
Згодна з новымі правіламі ў дзяцей крадуць самые важкія прадметы. Перш за ўсё гэта датычыцца выкладання ў агульнаадукацыйным курсе “Гісторыі Беларусі”. З 1 верасня 2008 года гісторыя Беларусі будзе ўключана ў курс сусветнай гісторыіі, а дысцыпліна будзе называцца проста “Гісторыя”.

“Штогод мы губляем больш за 100 беларускамоўных школ па ўсёй рэспублiцы, асаблiва падае iх колькасць у вёсцы”, — зазначыў А.Лозка.

Дзень ведаў 2008