1 верасня, шэраг моладзевых рухаў правёў акцыю, прысвечаную Дню Ведаў. Некалькі дзесяткаў актывістаў рухаў “Вока”, “Ініцыятыва!”, “Трэці шлях” каля ўвахода ў Міністэрства культуры ўсклалі кветкі, перавязаныя чорнымі стужкамі, да плаката з выявай падручніка беларускай мовы.

Пасля гэтага ўдзельнікі хвілінай маўчання ўшанавалі фактычнае знікненне роднай мовы з адукацыі і культуры Рэспублікі Беларусь, бо не сакрэт, што ў Менску засталося толькі 2,2% школ на беларускай мове навучання, а па рэспубліцы такіх школ не больш за 25%. Акцыя выклікала вялікую ўвагу сярод простых мінакоў, сярод якіх быў заўважаны і галоўны рэдактар «Советской Белоруссии» Павел Якубовіч. Аднак ён ад каментароў устрымаўся, у адрозненне ад большасці гледачоў, якія выказалі словы ўдзякі і падтрымкі ўдзельнікам акцыі.

Акцыя прайшла без затрыманняў.

Фотарэпартаж: